在香港討論區查看更多
租樓無鬼用?
+4
16.3K
134
16
寫呢篇文個陣,我一路諗會否比人笑,哈哈!不過我有心寸下D硬好,專登直接開個戶口,原創出香討!

呢個題目講左N年(起碼有十年),個個都識去計數,有人用買樓自住同租樓自住比,有D以投資角度睇收租同租樓(呢個超九唔搭八),又有人用首期投資同租樓開支計。之後各人會FF樓價升加按,樓價跌COVER到租金與否,無日無之傾落去。

計數又唔係人人識,不過又有好多人識,真理,係咪一定要用數計?

久唔久又有人用感情去講。不外乎個幾樣:

業主加租
被人迫遷
每一、兩年搬一次
月月交租比人供樓
租金不停升
安定感

小弟並無打算逐個擊破,反正100個有99個都係紙上談兵。

講個真人真事,小弟幾年前常常恥笑女主人有個朋友,連拖都未拍過,成日去指指點點男女主人之間0既感情事及對小朋友0既管教,其實佢都未試過,不曾在其中,又有咩資格講?

有幾多個BLOGGER長期都係租樓住?提出呢D論點0既,大部份有自住樓BLOGGER。或許佢地以前都短期租過樓,所以有其個人體驗。

小弟炒旦都識幾個,一路都租樓住0既極有錢人。不過講呢D真係SIDE氣,等同80後求死自己無料講自己識D乜乜前輩點樣勁一樣。

我個人意見呢,因為我都租左幾年樓,又搬過下,應該有資格講下。

加租迫遷搬屋呢D野,其實錢係可以解決。早幾年舉個例,8000蚊租加到9000,其實都係多12000一年,有本事咪續租,唔順氣就搬,無錢咪搵間平D。錢解決到0既問題根本唔係問題,意氣用事大過一切。

交租比人供樓,其實你出街食飯都係比錢人交租,供樓都有利息比銀行。使用服務必然有代價。明明一個公仔麵早餐,自己煮同出去食係差好遠,出去食方便好多,抵比。

租樓一樣,煩少好多野,自由度極高,抵比。蝕本生意無人做,放得租唔通要蝕錢(如果係咁,就係樓價下跌之時了)。等價交換之下,隨時可以拍下屁股就走,可UPGRADE又可DOWNGRADE,比多少少錢都值得。

大前題,係要夠多租盤。

以下都係個人意見

如果無公屋,全家搵得兩三萬,當然合理價上車。不過,400萬樓,月供要萬五蚊(無左一半收入),壓測要三萬七。究竟係佢地活該,定係樓價太高?我無乜意見。我點解咁唔鐘意細價收租仔?或者上面呢個CASE有D啟示。

果班得三五七層細價樓收租仔,其實在財富中下階0既小弟黎講都唔係D乜,計下數,原來總資產都接近3000萬,不過同一般收租仔一樣,借左同借到幾多有冇借到盡?好心,講就講淨資產吧。

如果五萬以上,就真係人人情況唔同,有人係可以等樓價租金逆轉。收入越多,用錢解決0既感覺越強烈。

如果唔以對賭心態去執行(例如租住先等樓價跌),個人諗野會正面好多,跟本就無安定唔安定可言。例如小弟已經有能力可以任租全區任何租盤,不痛又不癢,又點會同收租老野去計較去計算?

當見到女主人諗下下次租咩單位,就似佢上淘寶購物一樣。我地幾時買會否買?其實都係睇樓價/資產比例。若然突然有好多錢,我地唔會考慮升跌就會買,同樣,女主人自己D錢而家都買到區內唔少單位,不過佢都無呢D衝動(所以女人有外在美0既,都可以有內在美,亦都可以有財商!不要睇太多TVB!)



最後,好多時買好過租呢D論點,都唔係長期租客舉出,是否片面之詞請自行考量。

同樣,正如年青就財自唔撈一樣,唔計有能力但唔想唔撈個堆(人數好多),真係做到又有幾人?相反不停評論或者不停講點樣去追求0既人,就好鬼多。

這亦正是小弟寫BLOG 0既原因。

近期好少寫文,我方針係定期有文,不論內容多少。但呢期同老婆仔女四打PS4 FAT PRINCESS,自己又開始番工作,有時比較懶而已。
被屏蔽
提示: 該帖被管理員或版主屏蔽
公仔麵理論好正!
發短訊息
叻人始終係叻人
發短訊息
租樓係好,但長期落去唔係辦法,有資本又有需要確實係買比較好,當然人人想法同觀點唔同。

以下是我幾buy呢一個觀點:
論點:反對「唔買樓可以租」
論據:供樓壓力會隨時間減弱,因為你用未來貶值後的錢,去還今日未貶值的錢。但租金就相反,你一定要用當時的錢去還當時的錢,即是說,當供款金額固定下來,租金卻係會隨時間不斷上升,例如貨幣每30年下跌95%,租金就會同樣以每30年升20倍的速度上升。當然,這是假設沒有加息。但即使有加息,亦不見得租樓會有著數,因為業主會按成本加租,冇死錯人。
租樓的另一個問題係,你和業主的財富差距越拉越大,假設今天你和業主身家都係100萬,租了2年樓洗左20萬,你的身家變成80萬,業主就120萬,差距係40萬,亦即你現有身家的一半。當然,你投資有道,可以用呢80萬本金賺超過40萬,則另作別論。但假如你唔投資,純做租客,你會白白將日後入市上車既資金送俾業主。租金回報5厘知唔知即係點解?即係話你租20年的話,你就送左層樓俾業主。多謝夾承惠。
結論:年輕人應該同阿媽住,省回租金支出。要2人世界可以租時鐘。

http://m.discuss.com.hk/index.php?action=thread&tid=24407583
發短訊息

原帖由 5173519 於 2017-7-25 11:06 AM 發表 0
租樓係好,但長期落去唔係辦法,有資本又有需要確實係買比較好,當然人人想法同觀點唔同。

以下是我幾buy呢一個觀點:
論點:反對「唔買樓可以租」
論據:供樓壓力會隨時間減弱,因為你用未來貶值後的錢,去還今 ...

求師兄唔好透露真相,萬一驚醒租客走去買樓就唔好啦,如方便話請Delete此回帖!
發短訊息
被屏蔽
提示: 作者被禁止或刪除 內容自動屏蔽
大把錢唔怕租喎
發短訊息

原帖由 一刀見血 於 2017-7-25 11:11 AM 發表 0
租樓都可以有尊嚴 ! 冇我地租客,你班業主餓死左啦 !

依10年租樓最安全,吾怕加息,辣招
發短訊息

原帖由 70後男主人1 於 2017-7-25 10:47 AM 發表 0
寫呢篇文個陣,我一路諗會否比人笑,哈哈!不過我有心寸下D硬好,專登直接開個戶口,原創出香討!

呢個題目講左N年(起碼有十年),個個都識去計數,有人用買樓自住同租樓自住比,有D以投資角度睇收租同租樓(呢 ...


是否同一人?
發短訊息

原帖由 一刀見血 於 2017-7-25 11:11 AM 發表 0
租樓都可以有尊嚴 ! 冇我地租客,你班業主餓死左啦 !

係架, 千其唔好買
發短訊息

是否同一人?
發短訊息
知唔知供樓目的係lock住個租金?

本人曾租住康怡,三房租金由ㄧ萬升到二萬六,如租金ㄧ萬時買入,今日點都唔洗供二萬六吧?

除非收入永遠跑贏租金通脹升幅,唔係的話,最後只會越租越遠同越細。

交租同供樓都係月月扣數,但自己煮同出街食有個流程跟本分別,買、洗同事前、後清潔。唔通供樓比錢會比租麻煩?

相返本人覺得租麻煩,買傢俱要平要大路以防下次搬屋唔fit要掉,記得有次搬,冇位放洗碗機,最後要掉左佢。。。

用返樓主概念,炒蛋咁麻煩,買樓收租抵d。

最後祝樓主收入永遠追得上租金升幅。

[ 本帖最後由 wahaha97 於 2017-7-25 11:40 AM 編輯 ]
發短訊息
見樓主多番在blog笑自己朋友老婆樣衰,你的品味果然高尚獨特
發短訊息
被屏蔽