[轉貼] 真正仁者《張國榮》
5K
72
被屏蔽
提示: 作者被禁止或刪除 內容自動屏蔽
21年前,一名 19歲青年遭癌魔纏繞在聯合醫院留醫,生命燭光快將熄滅,他向護士長黃潔如道出最後心願:「我好想見吓張國榮!」數日後,張國榮悄悄到病房探望,沒有記者歌迷前呼後擁,只帶來簽名禮物及點滴關懷,更承諾每日跟他通電話聊天。男歌迷在會面後數天撒手塵寰,但憑着黃潔如的努力,他遇到天王巨星兄長般的關懷,生命最後時刻依然樂觀面對,笑着離開塵世。


張國榮(右三)當年悄悄到聯合醫院探望末期骨癌歌迷,唯一要求就是必須低調處理。

歌手張國榮離世 6年了,這段塵封回憶,昨日因聯合醫院出版 35周年紀念刊物而重見天日。故事由當年任護士長的黃潔如娓娓道來:「 1988年我哋聯合臨終服務收咗一個 19歲男仔,佢有末期骨癌,左手要切除,一隻眼亦因此失明,估計佢得番幾個禮拜(壽命)。」

要求勿通知傳媒
80年代張國榮演藝事業如日中天,年輕骨癌病人同樣沉醉於《不羈的風》,有天他對護士說希望見到張國榮,在護士們的努力下,願望終於成真,「當時港台有個節目叫《夢想成真》,幫人圓夢,咁我就試吓搵主持車淑梅幫手,結果佢真係搵到張國榮。」黃憶述。
面對探病請求,當年 32歲的張國榮欣然答允,但卻有一個條件,「一定要低調,唔可以向傳媒披露,唔係宣傳活動。」黃潔如答應,只將消息告知院長及其他護士長等數人。
探病當日,醫院一切如常,下午一位男士向登記處詢問男病人病房所在,護士抬頭一看,竟然就是萬人迷張國榮,既驚且喜。他走到男歌迷的病床前送上慰問,着他「畀心機打勝仗」、「唔好放棄」,並送上親筆簽名 CD和相片,兩人談天說地如同兄長與弟弟一般,哥哥答應每天跟他通電話,弟弟笑逐顏開。

每天通電話鼓勵
張國榮兌現承諾,每天跟男歌迷通電話,就算到澳門拍戲,也由助手代表致電。約一周後,男歌迷告別人世,哥哥於他的喪禮悄悄送上鮮花致意,「我哋好感謝張國榮,佢畀咗動力呢個男仔,一直都冇向人宣揚過呢件事,係真正嘅仁者。嗰個禮拜無論療程同病發有幾辛苦,個男仔都可以好樂觀咁面對,佢媽媽話個仔每日有笑容,走嗰陣冇遺憾,而張國榮送嘅物品全部都用作陪葬。」

http://www1.hk.apple.nextmedia.com/template/apple/art_main.php?iss_id=20091113&sec_id=4104&art_id=13415734

好懷念哥哥
護士長說:「我哋好感謝張國榮,佢畀咗動力呢個男仔,一直都冇向人宣揚過呢件事,係真正嘅仁者。...」

感動! 若不是別人憶述, 我們都不知哥哥是這樣默默奉獻愛心.
這幾年都看到很多不同事跡... ... 哥哥, 個心仲靚過個樣!永遠懷念他!

[ 本帖最後由 topten2009 於 2009-11-13 10:55 AM 編輯 ]
發短訊息 引用回覆
哥哥不但演藝輝煌,愛心爆棚,

哥哥曾經得過<最有善心五大男星>之一

到咗今日,系各媒體都有好多人講哥哥既好人,好事

哥哥種善因得善果,雖然佢走咗咁耐,但依然活系好多人心中~~
發短訊息 引用回覆
被屏蔽
提示: 作者被禁止或刪除 內容自動屏蔽
其實張國榮真係可以叫張三好
佢已經係天皇巨星都可以咁nice
而家叫d二線星唔好話講電話,叫佢黎佢啋你都有味
哥哥既好人好事究竟仲收埋幾多 ? 由細到大我也得哥哥一個偶像﹐哥哥令我感覺好驕傲
發短訊息 引用回覆
miss him so much ah
發短訊息 引用回覆
被屏蔽
提示: 作者被禁止或刪除 內容自動屏蔽
張國榮真係好好人
哥哥行善好低調,佢好好人,miss you much
發短訊息 引用回覆
miss leslie  much,你真系太好啦~~~~
發短訊息 引用回覆
leslie  miss  you  much

[ 本帖最後由 tomato33 於 2009-11-13 08:49 PM 編輯 ]
發短訊息 引用回覆
我係《明報》都睇到,放係港聞頭版。以前好少人知,而家真係可以當新聞睇。原來哥哥真係好好人,突然好想知多d哥哥呢d故事。
發短訊息 引用回覆

原帖由 leslie912 於 2009-11-13 04:00 PM 發表 0
哥哥既好人好事究竟仲收埋幾多 ? 由細到大我也得哥哥一個偶像﹐哥哥令我感覺好驕傲

系哥哥離世既當日,連續四晚都有電台做特輯懷念佢,好多人打電話入新城電台講番哥哥點樣關心佢,即使系萍水相逢,素未謀面,但佢亦好細心觀察每個人既需要同體恤別人。
其中令我最深刻既就系Jacqueline既故事(http://lesliecheung.cc/memories/fanstories.htm),她系電台上放聲大哭,講番起以前遇見哥哥的一件深刻的事。 係1998年既一晚,Jacqueline同佢既老公鬧離婚,系加多利山徘徊,甚至蹲系路邊喊起來,突然有把聲系佢背後講:「我可唔可以幫到你?」Jacqueline初時叫佢走開,話佢唔會幫到忙,但隔左好耐,哥哥依然無走開,仍然系原地等佢。Jacqueline擰轉頭見到佢原來系哥哥!佢估唔到一位天王巨星會甘有耐性等待幫忙一位素未謀面既人。之後哥哥仲系加多利山路邊陪佢傾天光,同佢傾咩叫做「真」,同埋「深情」,最後哥哥勸佢睇醫生(當時Jacqueline患有抑鬱症) ,並叫佢第日好番既時候,幫得一個就一個!

後來哥哥攞左Jacqueline既電話,有時間就會打電話問候佢,甚至有幾次系外地拍戲,每當有人提起
Jacqueline 呢個名,佢就會記起佢,然後打電話問候佢。

當時Jacqueline 系講出以上既故事之際亦不停喊,一邊話傳媒成日中傷哥哥,話哥哥真系好好好好,佢亦話最難過既系,哥哥救到佢,但救唔到自己。數年後,哥哥也患左同一種病,自己揾吾到適當既醫治,所以令Jacqueline好痛心。當時好多人聽到依個故事都好感動,我既friend系其中一個,所以後來亦變成左後榮迷。
發短訊息 引用回覆

原帖由 紫衣戀曲 於 2009-11-13 21:23 發表 0


系哥哥離世既當日,連續四晚都有電台做特輯懷念佢,好多人打電話入新城電台講番哥哥點樣關心佢,即使系萍水相逢,素未謀面,但佢亦好細心觀察每個人既需要同體恤別人。
其中令我最深刻既就系Jacqueline既故事(h ...

樓主同你講既呢件事我之前都聽過,真係好感動
咁好既明星係邊到搵?
發短訊息 引用回覆

原帖由 *泳兒* 於 2009-11-13 10:24 AM 發表 0
21年前,一名 19歲青年遭癌魔纏繞在聯合醫院留醫,生命燭光快將熄滅,他向護士長黃潔如道出最後心願:「我好想見吓張國榮!」數日後,張國榮悄悄到病房探望,沒有記者歌迷前呼後擁,只帶來簽名禮物及點滴關懷, ...

謝謝樓主的轉貼。

哥哥低調行善的好人好事何只這一件? 簡直多不勝數!

我是因為哥哥離世之後, 因好奇上網搜尋而看了無數篇他的朋友、合作夥伴、與他一面之緣或榮迷所寫的文章被深深感動, 從而成為他的迷。 他為人不止是善良和樂於助人那樣簡單, 他那顆赤子之心, 對身邊的人甚至小工心細如塵的體貼在現今的社會實在少有。我膽敢說就算一個人對他抱著怎樣的偏見, 只要與他接觸後, 都會因他的「真」與「誠」而對他的印象改觀。

可以說,大部分的後榮迷喜歡哥哥最主要的原因是他的「真善美」, 其次才是他的才華和外貌...

林紀陶曾說過電影界每年都會給哥哥一分鐘, 為他靜默一分鐘,因為他們忘不了他為人的好。

張之亮導演也說過:「我們該感謝上帝把哥哥的這張臉給我們,一個人的漂亮不在乎他的一張臉,其實他活出來的行為才是我們值得欣賞及值得我們去愛!」

[ 本帖最後由 Leslieforever 於 2009-11-13 10:53 PM 編輯 ]
發短訊息 引用回覆
張國榮好靚仔
發短訊息 引用回覆