
http://weibo.com/1720190012/y8WpqnPNl?type=repost
.....恭喜晒

------------------------------------------------------------------------------------------------------------------------
去年與李泳豪分手的楊思琦,在微博宣布誕下「龍女」升任母親,但未有透露B女生父是否傳聞的新歡吳帥,亦未提有婚事,而吳帥一直「失蹤」。至於舊愛李泳豪大方向思琦送上祝福,豪仔接受訪問時說:「我已經放低件事,祝佢平安就好。」問到對思琦是否仍存恨意?他說:「過去的事就完全冇仇恨,希望佢有新一頁,自己都Ready新戀情,如果真係拍拖,遲些會公布。」
對於吳帥一直「失蹤」,惹來己分手及楊思琦要獨力養BB的傳聞,豪仔說:「呢個咁敏感問題唔答,如果思琦返來需要幫手,我能力範圍內幫到就幫。」豪仔夜冕更與哥哥李泳漢及兩位男性友人現身尖沙咀,到一個商場拉麵店醫肚,豪仔被問到心情如何?他說:「OK!(同佢聯絡?)冇呀!多謝大家關心,祝佢兩母女平安,我就放心。」
據可靠消息稱,豪仔已走出情傷陰霾,現時與圈外韓籍女子發展新戀情。而據了解豪仔對分手八個多月的思琦已徹底「死心」,不過他當時的「情癡」表現,卻惹來不少身邊女拍檔由憐生愛。豪仔演出《結•分@謊情式》,與港姐出身的張秀文最多對手戲,有傳張秀文曾向豪仔主動示愛,於張秀文在電話中說:「我有豪仔電話號碼,但我冇追佢,平時一班人出去食飯,只係同事,連朋友都稱唔上。」
曾與思琦住在同一屋簷下的李泳豪母親施明,雖曾與對方互數不是,但施明在寓所受訪時大方送祝福:「自己都係女人,明白佗仔辛苦。」她認為思琦「回歸」後定必努力事業,亦不介意對方講大話:「唔緊要,依家最緊要母女平安。」
但泳漢仍氣憤難平,踢爆豪仔聞訊後心情消沉:「生BB冇錯係開心事,應該祝福,但呢件事係屋企一件唔光榮事,佢傷害過我屋企人,我唔識祝福佢!」對於泳漢曾因踢爆思琦大肚而遭對方指摘,施明認為現在終能還兒子清白,而泳漢則說:「之前有外國朋友質疑我同思琦誰是誰非,但佢終於同我講唔好意思,知道我冇講大話。」
至於曾公開爆粗鬧「前新抱仔」的李家鼎已放低怨恨,祝BB快高長大:「始終BB冇罪,思琦又唔係殺父仇人。(覺唔覺佢講大話?)其實佢今日公布,我唔愕然,一直有人影到佢大肚,加上佢最初都同我個仔講有左,雖然佢話係分手藉口,但講得出就係!」
http://www.ihktv.com/shirley-was-born-daughter.html
[ 本帖最後由 yattungkim 於 2012-3-10 01:17 AM 使用
編輯 ]
Facebook
LINE
WhatsApp



唔好再返娛圈,比心機做媽媽!



