「巨輪」其實係咪同「真情」同「心路GPS」玩平衡時空三世。

李司棋喺「巨輪」由朝到晚淨係識叉燒,叉燒,去到澳門個仔冇錢讀書都好開心話以後可以日日食叉燒。爆完血管,中完風,返屋企又叉燒。個仔開成幾間鋪,港澳都有店,返到屋企又係一碟蛋,一碟澀菜,同一大盤叉燒,仲要四個人食。

所以「巨輪」嘅前世或者後世係咪「真情」,佢因為叉燒嫁比叉燒炳或者今世太掛住叉燒炳,所以淨係識叉燒,叉燒。

展鵬又因為戇居老母唔知點解認為去澳門唔返佛山等個仔冇辦法聯絡佢禁個仔就會易啲搵到佢。(好可能李司棋其實係因為留唔到喺香港,去澳門嘅原因係為可以食叉燒唔係為個仔…即係真係生舊叉燒好過生個仔?!) 因為呢個缺陷,搞到下世「GPS」戀母狂搞到一發不可收拾。